နာမည်အကြောင်း သိကောင်းစရာများ

မြန်မာနိုင်ငံမှာ လက်ရှိလူအများသုံးစွဲနေကြတဲ့ နာမည်ပေးပုံကတော့ “နေ့နံအပေါ် အခြေခံတဲ့ နာမည်ပေးနည်း” ဖြစ်ပါတယ်။ တနင်္ဂနွေသားသမီးဆိုရင် တနင်္ဂနွေနံဖြစ်တဲ့ (အ၊ဥ) နဲ့ပေးမယ်။ တနင်္လာ သားသမီး ဆိုရင် တနင်္လာနံဖြစ်တဲ့ (က၊ခ၊ဂ၊ဃ၊င) တွေနဲ့ ပေးမယ်။ အင်္ဂါသားသမီး ဆိုရင်လည်း (စ၊ဆ၊ဇ၊ဈ၊ည) နဲ့ ပေးမယ်ပေါ့။

ဒီလိုဘဲ လွယ်လွယ်ပေးလိုက်ကြပါတယ်။ ဒီလို နေ့နံအတိုင်း ပေးလိုက်တာကိုဘဲ ကလေးအတွက် လုံလောက်သွားကြပြီလို့ ထင်တတ်ကြပါတယ်။ ဒီကြားထဲမှာ အဖေနာမည်၊ အမေနာမည်၊ အဖိုးအဖွားနာမည် တွေပါမကျန် နာမည်ထဲမှာထည့်ပြီး မှည့်လိုက်ကြပါသေးတယ်။

ဘယ်ဗေဒင်ဆရာဆီကိုမှ သွားမနေကြတော့ပါဘူး။ သွားပြန်တော့လည်း စိတ်တိုင်းကျလှတယ် မရှိပါဘူး။ ဗေဒင်ဆရာတွေပေးတဲ့ နာမည်တွေဆိုတာကလည်း ခေတ်နဲ့ မဆီလျော်လှတဲ့ နာမည်တွေ၊ ခပ်တုံးတုံးတွေက များတယ်မဟုတ်လား။

ဒီတော့ ကိုယ့်စိတ်ကြိုက်အတိုင်း နေ့နံပေါ်မှာ အခြေခံပြီး နောက်ဆုံးပေါါ် လှပေ့၊ ဆန်းပေ့၊ ညွန့်ပေ့ဆိုတဲ့ နာမည်မျိုးတွေကို ပေးချလိုက်တော့တာပါဘဲ။ ငါ့သားသမီးနာမည်ကို ဘယ်သူနဲ့မှ မတူစေရဘူးဆိုတဲ့ မိဘတွေ ကလည်းအများသားလား။

နာမည်တွေဆန်းကြယ်ကြပုံကိုလည်း ကြည့်ကြပါဦး။ “ကျော်အာကာမြင့်မိုရ်ဘုန်းထက်” ဆိုတဲ့ နာမည်မျိုး ကတော့ ကျွန်တော့်အဖို့ သိပ်ဆန်းတယ်လို့ ပြောနိုင်တဲ့ နာမည်မျိုးမဟုတ်ပါဘူး။ ဒါပေမယ့် “အနှိုင်းမဲ့ဘုန်းနန်းဒေ၀ီ သခင်” ဆိုတဲ့ နာမည်မျိုးကို တွေ့လိုက်တော့ ကျွန်တော့်အနေနဲ့ ငိုရမလို၊ ရယ်ရမလို ဖြစ်သွားပါတယ်။

ဒီလို အလွန်ထူးဆန်းတဲ့ နာမည်တွေကို မှည့်ထားပြီး ထူးထူးချွန်ချွန် ဖြစ်လာသူတွေကို အလွန် တွေ့ရခဲ လှပါတယ်။ လေ့လာကြည့်မယ်ဆိုရင် မြန်မာနိုင်ငံထဲမှာ ထင်ပေါ်ကျော်ကြားတဲ့၊ ထူးချွန်ထက်မြက်တဲ့ ပုဂ္ဂိုလ် တော်တော်များများရဲ့ နာမည်တွေဟာ ခပ်ရိုးရိုးတွေဘဲဖြစ်နေတာကို သတိထားမိကြပါလိမ့်မယ်။
ဒါပေမယ့် သိပ်ရိုးစင်းနေလွန်းပြန်ရင်လည်း ခေတ်ရေစီးကြောင်းက ပြောင်းလဲလာတဲ့ အချိန်မှာ ခေတ်နဲ့ မဆီလျော်တာမျိုးလည်း မဖြစ်သင့်ဘူးပေါ့။

သိပ်ကို ဆန်းပြားလွန်းတဲ့ နာမည်တွေကို ပေးထားပြီး ဆိုဆုံးမလို့ မရတဲ့ သားသမီးတွေ အတော်များများကိုလည်း ကျွန်တော် တွေ့ဘူးလှပါပြီ။
ပြောချင်တာကတော့ နာမည်ကောင်းတစ်ခုဆိုတာ ရိုးရိုးရှင်းရှင်းနဲ့ အဓိပ္ပါယ်ကောင်းမွန်တဲ့ စာလုံးတွေပါတဲ့ နာမည်မျိုး၊ တိုင်စဉ်မှန်ကန်ပြီး အားရှိတဲ့ နာမည်မျိုး ဖြစ်ရပါမယ်။ ဒါမှသာ နာမည်ပိုင်ရှင်ကို ကောင်းကျိုးပြုနိုင်ပါတယ်။ ဒီလိုဆိုရင် နာမည်ကို လှလှလေးပေးလို့မရတော့ဘူးလား။ ခပ်ရိုးရိုးကြီးဘဲ ပေးရတော့မှာလားလို့ စောဒက တက်စရာ ရှိပါတယ်။

နာမည်ကို လှလှလေးတွေ ပေးလို့ရပါတယ်။ သိပ်ထူးထူးဆန်းဆန်းသာ မပေးသင့်တာပါ။ ဒီတော့ကာ နေ့သင့်နံသင့် နာမည်ပေးကြတဲ့ အကြောင်းကို ပြန်ကောက်ကြရအောင်။

အမြဲတန်း နေ့သင့်နံသင့် နာမည်ပေးလို့ ရသလား

ကျွန်တော့်ရဲ့ နာမည်ပေးဗေဒင်လုပ်ငန်း သက်တမ်းတစ်လျှောက်မှာ မိဘတွေ အများဆုံးတောင်းဆိုကြတဲ့ ကိစ္စကတော့ ကလေးကို နေ့သင့်နံသင့် နာမည်ပေးချင်တယ် ဆိုတာပါဘဲ။

ကလေးကို သူမွေးတဲ့ နေ့အတိုင်း နေ့သင့်နံသင့်ပေးမှ မှန်ကန်တယ်လို့ ထင်နေကြသူတွေ တော်တော် များပါတယ်။ နောက်ပြီး တစ်ချို့သော ဗေဒင်နည်းစနစ်တွေမှာ နေ့သင့်နံသင့်နာမည်ပေးခြင်းကို ပုံသေကျင့်သုံးနေကြ တဲ့အတွက် ဒါကိုမှ အမှန်ဘဲလို့ ထင်နေကြပုံရပါတယ်။

ကျွန်တော့်ရဲ့ လက်တွေ့သုတေနပြုချက်တွေအရ ကလေးတိုင်းကို နေ့သင့်နံသင့်နာမည်ပေးလို့ မရပါဘူး။ တစ်ချို့ကို ပေးလို့ရပေမယ့် တစ်ချို့ကြတော့ ပေးလို့မရပါဘူး။ ဒါဟာ ကလေးမွေးဖွားတဲ့ ခုနှစ်၊ သက္ကရာဇ် အပေါ်မှာ အခြေခံ နေပါတယ်။ (မဟာဘုတ်ပညာအရ) တစ်နှစ်နဲ့တစ်နှစ် ဂြိုဟ်တွေရဲ့ အင်အားဟာ မတူညီကြပါဘူး။ ဂြိုဟ်တစ်လုံးဟာ ဒီနှစ်မှာ အားကောင်းတဲ့ ဂြိုဟ်ဖြစ်ပေမယ့် နောက်နှစ်မှာ အားနည်းတဲ့ဂြိုဟ်ဖြစ်သွားတတ်ပါတယ်။

နှစ်တိုင်းနှစ်တိုင်းမှ ဂြိုဟ် (၇) လုံးရှိတဲ့အနက် (၄)လုံးဟာ အားကောင်းပြီး (၃)လုံးဟာ အားနည်း သွားတတ် ပါတယ်။ တစ်နှစ်ပြီးတစ်နှစ် ဒီဂြိုဟ်တွေဟာ အလှည့်ကျပြောင်းလဲနေပါတယ်။ ဒီတော့ ကိုယ့်ကလေးရဲ့ မွေးနံဟာ အဲဒီ နှစ်အတွက် အားကောင်းတဲ့ ဂြိုဟ်(၄)လုံးမှာ ပါနေရင် နေ့သင့်နံသင့်နာမည် မှည့်လို့ရနိုင်ပါတယ်။ အားနည်းတဲ့ဂြိုဟ် (၃)လုံးမှာပါနေရင်တော့ နေ့သင့်နံသင့်နာမည် ပေးလို့မရပါဘူး။

ဒီလို အားနည်းတဲ့ဂြိုဟ်ဖြစ်နေတဲ့နှစ်မှာ နေ့သင့်နံသင့်နာမည်မှည့်လိုက်တဲ့အတွက် ရင်သွေးဖြစ်သူဟာ ပထမ အရွယ်မှာ ကျန်းမာရေးညံ့ခြင်း၊ ပညာရေးညံ့ခြင်း၊ အောင်မြင်မှုနည်းခြင်း၊ ဘ၀ကို ခက်ခဲစွာ ရုန်းကန်ရခြင်းများဖြစ်တတ် ပါတယ်။ ဒါကြောင့် နေ့သင့်နံသင့် ဖြစ်ဖို့မဖြစ်ဖို့ထက် မိမိရင်သွေးဘ၀ ကောင်းစားဖို့ကို ပိုပြီး အဓိက ထားသင့်တယ် မဟုတ်ပါလားခင်ဗျာ။

မိဘနာမည် ထည့်ရ / မရ

နောက်ပြဿနာတစ်ခုကတော့ ကလေးရဲ့နာမည်မှာ မိဘတွေရဲ့နာမည် ပါချင်ကြတဲ့ကိစ္စပါဘဲ။ အထူးသဖြင့် ဖခင်ဖြစ်သူရဲ့ နာမည်ကို ကလေးနာမည်နောက်ဆုံးမှာ ထည့်ချင်ကြပါတယ်။ ဒါကလည်း စောစောကပြောခဲ့သလိုဘဲ အဲဒီမိဘနာမည်ဟာ ကလေးမွေးတဲ့နှစ်မှာ အားနည်းတဲ့ဂြိုဟ်ရဲ့ အက္ခရာဖြစ်နေရင် မထည့်သင့်ပါဘူး။

နောက်ပြီး ဒီလိုအားနည်းတဲ့ နေ့နံဟာ နာမည်အစမှာ ပါတာထက်စာရင် နာမည်အဆုံးမှာ ပါတာက ပိုဆိုး ပါတယ်။ ဒီလို မိဘနာမည်ကို ကလေးရဲ့နာမည်မှာ မပါပါအောင် ဇွတ်အတင်းထည့်ကြတဲ့အတွက် ကလေးတွေမှာ နာမည်အမှားရဲ့ဒဏ်ကို တစ်ဘ၀လုံး ခံသွားရတတ်ပါတယ်။

မိဘမျိုးရိုးနာမည်ထည့်တယ်ဆိုတာ ကျွန်တော်တို့ မြန်မာ့ ဓလေ့ထုံးတမ်း မဟုတ်တဲ့အတွက် ဒါကို အားလည်း မပေးသင့်ပါဘူး။ ခရစ်ယာန် နဲ့ အစ္စလာမ် ဘာသာဝင်များအတွက် မျိုးရိုးနာမည်ထည့်ချင်ရင် ခရစ်ယာန်နာမည် သတ်သတ်၊ အစ္စလာမ်နာမည် သတ်သတ် မှည့်တာမျိုးက ပိုကောင်း ပါတယ်။ မြန်မာနာမည်ကိုတော့ မြန်မာ့ဓလေ့အတိုင်း မှည့်တာကို အားပေးချင်ပါတယ်။

ဒါကြောင့် သားသမီးတွေရဲ့ နာမည်မှာ မိဘနာမည်ပါဖို့ကိစ္စကို အရမ်းအလေးမပေးပါနဲ့။ ကောင်းတယ်ဆိုရင် ထည့်လို့ရပါတယ်။ မကောင်းဘူးဆိုရင်တော့ ကလေးရဲ့ ဘ၀နောင်ရေးကို အထူးအလေးပေး စဉ်းစားစေချင်ပါတယ်။

မိဘနာမည်ပါတာ အဓိကလား၊ ကလေးဘ၀ကောင်းစားဖို့က အဓိကလားဆိုတာ တွေးကြည့်ကြပါ။
ပြဿနာတစ်ခုရှိတာက အမေရိကား နဲ့ အနောက်တိုင်းနိုင်ငံတွေရောက်နေတဲ့ မြန်မာတွေ ကျွန်တော့်ဆီမှာ ကလေးနာမည် တောင်းကြတဲ့အခါ မွေးစာရင်းသွင်းတဲ့ အချိန်မှာ သူတို့ဓလေ့အရ မိဘနာမည်ကို မဖြစ်မနေ ထည့်ရတာမျိုး ရှိပါတယ်။ ဒါမျိုးကြတော့ စာရင်းထဲမှာ ထည့်တာထည့်ပေါ့။ ဒါပေမယ့် မိဘဆွေမျိုး၊ မြန်မာအသိုင်း အ၀ိုင်းကြားမှာတော့ နောက်က ဖခင်နာမည်မပါတဲ့ မြန်မာနာမည်ကိုဘဲ ခေါ်ပေးပါ။

နောက်ပြီး မြန်မာတိုင်းရင်းသားလူမျိုးနွယ်တွေမှာ နာမည်ရှေ့က တပ်ခေါ်တဲ့ “စိုင်း၊ နန်း၊ မင်း၊ မိ၊ စော၊ နော်၊ ခွန်” တွေကို ထည့်ခေါ်တာကို ဗေဒင်နည်းထဲမှာ ထည့်မတွက်ရပါဘူး။ မြန်မာမှာ “မောင်၊ ကို၊ ဦး၊ မ၊ ဒေါ်” တပ်ခေါ် သလိုပါဘဲ။

ဟိုနည်းစနစ်၊ ဒီနည်းစနစ်

တစ်ချို့မိဘတွေဟာ ဗေဒင်မဂ္ဂဇင်းတစ်ခုခုကို ဖတ်ပြီး အဲဒီအထဲမှာပါတဲ့ နည်းစနစ်တစ်ခုခုကို တကယ့်နည်း စနစ်ကြီးတစ်ခုလို့ ထင်တတ်ကြပါတယ်။ အဲဒီအထဲမှာပါတဲ့ နည်းစနစ်တွေကို လက်တဲ့ စမ်းတတ်ကြပါတယ်။ တစ်ချို့ ဆိုရင် စာအုပ်တောင် မဖတ်ဘဲ ဗေဒင်ယောင်ယောင်၊ ဆေးယောင်ယောင် အပေါင်းအသင်းတစ်ယောက်ယောက်က ပြောတဲ့ နည်းတစ်ခုခုကို အဟုတ်ထင်ပြီး ကိုယ့်ကလေးကို လက်တဲ့စမ်းတတ်ကြပါတယ်။

ဒါကြောင့် နာမည်ပေါင်းကိန်း “ကိုးန၀င်း” ရရင် အရမ်းကောင်းတယ်။ ပဉ္စပွတ်+ဆပွတ်+အညွန့် မှည့်ရင် အရမ်းကောင်းတယ် ဆိုတဲ့ တရားသေယူဆချက်တွေ ပေါ်လာတာဘဲ ဖြစ်ပါတယ်။

တကယ်တော့ ဗေဒင်ပညာဆိုတာ ဆောင်းပါးတစ်ပုဒ်နှစ်ပုဒ်လောက်၊ စာအုပ်တစ်အုပ်နှစ်အုပ်လောက် ဖတ်ရုံ နဲ့ တတ်မြောက်နိုင်တဲ့ ပညာမဟုတ်ပါဘူး။ ကျွန်တော်ဆိုရင် ဗေဒင်ပညာတစ်ခုလုံးရဲ့ အခက်အလက်တစ်ခုမျှသာ ဖြစ်တဲ့ နာမည်ပေးနည်းဗေဒင် (နာမက္ခရဗေဒ) ကို စာတွေ့အနေနဲ့ (၃) နှစ်လောက်၊ လက်တွေ့အနေနဲ့ (၇) နှစ် လောက် လေ့လာခဲ့ရပါတယ်။

ဒါကြောင့် မိဘဖြစ်သူတွေကို အထူးပြောချင်တာကတော့ ကိုယ့်ကလေးကို နာမည်ပေးတဲ့နေရာမှာ ဆောင်းပါးတစ်ပုဒ်လောက်ဖတ်ပြီး လက်တဲ့မစမ်းသင့်သလို၊ တကယ်ကျွမ်းကျင်တတ်မြောက်သူ မဟုတ်တဲ့သူတွေရဲ့ အကြံပေးချက်တွေကိုလည်း နားမယောင်သင့်ပါ။ “ဆရာများ သားသေ” ဆိုတဲ့ စကားပုံရှိပါတယ်။ တကယ်တတ်ကျွမ်း နားလည်သူ ဆရာသမားတစ်ဦးဦးနဲ့သာ တိုင်ပင်ပြီး မှည့်သင့်ပါတယ်။

ခါတော်မှီ ဆရာတု ဆရာယောင်တွေကိုတော့ အထူးသတိထားပါ။ လောကနိယာမအရ လုပ်ငန်းတစ်ခု အောင်မြင်လာပြီဆိုရင် နောက်ကနေ ပုံတူကူးချတဲ့ (ခါတော်မှီ) လုပ်ငန်းတွေ ပေါ်လာတတ်ပါတယ်။ နာမည်ပေး ဗေဒင်လုပ်ငန်း တစ်ခုအောင်မြင်လာရင်လည်း နောက်ကနေ လိုက်လံတုပတဲ့လုပ်ငန်းတွေ ပေါ်လာတတ်ပါတယ်။ ဒီအထဲမှာ ဗေဒင်ပညာအမှန်တတ်ကျွမ်းပြီး ကိုယ့်နည်းစနစ်နဲ့ကိုယ် နာမည်ပေးတဲ့ ဆရာတွေပါသလို ဗေဒင်ပညာ မတောက်တခေါက်လောက်သာတတ်ပြီး နာမည်ပေးဆရာတွေ ထုတ်ဝေထားတဲ့ နာမည်ပေးစာအုပ်တွေထဲက နာမည်တွေကို ကူးချပြီး ပေးတဲ့ ဆရာတု ဆရာယောင်တွေပါလာတာကိုလည်း တွေ့နေရပါတယ်။ ဒါကြောင့် ကြော်ငြာ အသစ်မြင်တိုင်း စိတ်ဝင်စားတတ်တဲ့ သူတွေအဖို့ အစစ် နဲ့ အတု မိမိဉာဏ်နဲ့သာ ခွဲခြားကြည့်ကြပါ။ (ဘယ်သူ့ကိုမှ သိက္ခာချလိုစိတ် အလျှဉ်းမရှိပါဘူး။ ရင်သွေးတွေရဲ့ ဘ၀အတွက် ရင်လေးလွန်းလို့ သတိပေးရခြင်းဖြစ်ပါတယ်၊ စစ်မှန်တဲ့ ဆရာတွေလည်း အများကြီးရှိပါတယ်)။ အတုနဲ့ မိပြီး မိမိရင်သွေးရဲ့ဘ၀ မနစ်မွန်းကြပါစေနဲ့။


ဘယ်နည်းစနစ်က အကောင်းဆုံးလဲ

မြန်မာရိုးရာဗေဒင်နည်းစနစ်အရ နာမည်ပေးနည်းတွေကို စစ်စစ်ပေါက်ပေါက် ရေတွက်ကြည့်မယ်ဆိုရင် နည်းစနစ် မူကွဲပေါင်း (၄၀)ကျော်ကျော်လောက် ရှိပါတယ်။ဒါပေမယ့် တကယ်အသုံးများပြီး အဓိကကျတဲ့ နာမည်ပေး နည်းက (၃)နည်းသာ ရှိပါတယ်။ အဲဒါတွေကတော့ -

(၁) မဟာဘုတ်နဲ့ နာမည်ပေးနည်း
(၂) အင်္ဂ၀ိဇ္ဇာနဲ့ နာမည်ပေးနည်း
(၃) ဆန်းကျမ်းနဲ့ နာမည်ပေးနည်း များဖြစ်ပါတယ်။

ဆရာတစ်ဦးကို နည်းစနစ်တစ်ခုတော့ စိတ်ကြိုက်ရှိတတ်ကြပါတယ်။ ဒါကြောင့် ဘယ်နည်းစနစ်က အကောင်းဆုံးဘဲလို့ ပြောလိုက်ရင် ပညာရှင်ခြင်း ပုတ်ခတ်သလိုဖြစ်သွားနိုင်တာမို့ ဒါကိုတော့ မပြောလိုပါ။ ဒါပေမယ့် နည်းစနစ်(၃)ခုစလုံးကို ညှိနှိုင်းသုံးစွဲနိုင်ရင်တော့ အကောင်းဆုံးဘဲလို့သာ ပြောလိုပါတယ်။

ကျွန်တော်တို့ရဲ့ “ကွန်ပျူဗေဒသုခုမ” ရဲ့ နည်းစနစ်ကို ပြောရရင်တော့ မဟာဘုတ် နဲ့ အင်္ဂ၀ိဇ္ဇာကို အပြည့် အ၀အသုံးချထားပြီး ဆန်းကျမ်းကို တိုင်စဉ် နဲ့ ဗျုပ္ပတ် ကိုသာ အထောက်အကူအနေနဲ့ ယူထားပါတယ်။ (ဆန်းကျမ်း ကို အပြည့်အ၀ အသုံးမပြုပါ)။ ပညာရှင်အားလုံးကို ဂါဝရစိတ်နဲ့ အကြံပေးလိုတာကတော့ ဘယ်နည်းစနစ်ကိုဘဲ သုံးသုံး “မဟာဘုတ်” ကိုတော့ လက်မလွှတ်စေချင်ဘူး။ ဒါကလည်း အရမ်းကာရော ပြောတာမဟုတ်ဘဲ ကျွန်တော့်ရဲ့ လက်တွေ့သုတေသနပြုချက်တွေအရ ပြောခြင်းဖြစ်ပါတယ်။

ကျွန်တော်ရဲ့ ဗေဒင်ပညာသက်တမ်းတစ်လျှောက်မှာ ဆန်းဗေဒင်နည်း နဲ့ အင်္ဂ၀ိဇ္ဇာနည်းအရ မှားနေပေမယ့် မဟာဘုတ်မှာ မှန်နေရင် ဆိုးကျိုးတွေကို မခံစားရတာကို ကြိမ်ဖန်များစွာတွေ့ရဖူးပါတယ်။ ဒါပေမယ့် မဟာဘုတ် မှားပြီဆိုရင်တော့ ဘာမှမဖြစ်ဘူးဆိုတာ တွေ့ရခဲလှပါတယ်။ မဟာဘုတ် မှားရင်တော့ ဆိုးကျိုးတွေကို ဧကန် ခံရတတ် ပါတယ်။ ဒါကြောင့် မဟာဘုတ်ကိုတော့ လက်မလွှတ်သင့်ဘူးလို့ ယူဆမိပါတယ်။ နာမည်တစ်ခုရဲ့ အမှားအမှန်ကို စစ်ဆေးတဲ့နေရာမှာလည်း မဟာဘုတ်နဲ့ စစ်ဆေးကြည့်တာဟာ အလွယ်ကူဆုံးနဲ့ အမှန်ဆုံး ဖြစ်ပါလိမ့်မယ်။

နာမည် နဲ့ ဗျုပ္ပတ်

နာမည်မှည့်တဲ့နေရာမှာ အရေးကြီးတဲ့ အချက်တစ်ချက်ကတော့ “ဗျုပ္ပတ်” ဖြစ်ပါတယ်။ “ဗျုပ္ပတ်” ဆိုတာ နာမည်တစ်ခုရဲ့ အဓိပ္ပါယ်ဖြစ်ပါတယ်။ နာမည်တစ်ခုရဲ့ အဓိပ္ပါယ်ဟာ ထိုနာမည်ပိုင်ရှင်ရဲ့ ရုပ်ရည်၊ ပုံပန်းသဏ္ဍန်၊ အဆင်းအရောင်၊ အကျင့်စရိုက်၊ စိတ်နေစိတ်ထားတွေနဲ့ လိုက်ဖက်ညီညွတ်နေရပါမယ်။ ဒါမှသာ ဘ၀အကျိုးပေး ကောင်းမွန်ပါမယ်။ အတိတ်ဘ၀ရဲ့ ကောင်းကျိုးတွေကို အပြည့်အ၀ ခံစားရတတ်ပါတယ်။

နာမည်နဲ့ ဗျုပ္ပတ် တခြားစီဖြစ်နေရင်တော့ ဘ၀အကျိုးပေး မကောင်းတတ်ပါ။ ဥပမာ- နာမည်က “မောင်လှ” ရုပ်က ခပ်ဆိုးဆိုဖြစ်နေရင် ဗျုပ္ပတ် ဆန့်ကျင်ပါတယ်။ အဲသည်လိုဘဲ အသားမည်းသူကို “ဖြူဖြူဝင်း” လို့မှည့်တာမျိုး၊ အသားဖြူသူကို “ညိုညိုစိမ့်” လို့မှည့်တာမျိုးတွေဟာ ဗျုပ္ပတ် အမှားတွေပါ။ ဒါမျိုးတွေ အများကြီးရှိပါတယ်။ ပိန်လွန်းသူ ကို “ပြည့်ဖြိုးမောင်” လို့ မှည့်တာ၊ စကားပြောဆိုးသူကို “ချိုသာခင်” လို့ မှည့်တာ၊ “တိတ်တိတ်ဆိတ်ဆိတ်” နေတတ် သူကို “ကြည်ရွှင်” လို့ မှည့်တာတွေ၊ အလွန် သွက်လက်ချက်ချာသူကို “မောင်အေး” လို့ မှည့်တာမျိုးတွေဟာ ဗျုပ္ပတ် အမှားတွေပါ။

နောက်တစ်ခုက လူ့လောကနယ်ပယ်အရ မြင့်မြတ်တယ်လို့ စံပြုထားတဲ့ အရာတွေထက် ကျော်လွန်အောင် နာမည် မှည့်တာမျိုးကို “ဗျုပ္ပတ်လွန်တယ်” လို့ ခေါ်ပါတယ်။ “မြင့်မိုရ်စိုးအုပ်ကျော်” လို နာမည်မျိုးတွေ၊ “အာကာမင်းထွဋ်ခေါင်” လို နာမည်မျိုးတွေ၊ “နေမင်းအုပ်ပိုင်စိုး” လိုနာမည်မျိုး၊ “ဒီပါလွှမ်းထက်ကျော်” လိုနာမည်မျိုး တွေဟာ နာမည်ပိုင်ရှင်ကို အလွန် “ခိုက်” စေတတ်ပါတယ်။ အရပ်ထဲမှာ ပြောကြတဲ့ “နာမည်က သိပ်ကြီးလွန်း နေတယ်” ဆိုတာမျိုးပေါ့။

သုတေသနပြုချက်များအရ နာမည်သိပ်ကြီးပြီး ဗျုပ္ပတ်လွန်နေရင် ကျန်းမာရေးညံ့ခြင်း၊ ပညာရေးညံ့ခြင်း၊ ဆိုဆုံးမရန် ခက်ခဲခြင်း၊ ဆိုးသွမ်းမိုက်မဲခြင်း၊ (အချို့) အသက်တိုခြင်း များကို ဖြစ်စေနိုင်ပါတယ်။
ဒီနေရာမှာ ဆန်းကျမ်းဗေဒင်ပညာရှင်တွေကို ဗျုပ္ပတ်နဲ့ပတ်သက်ပြီး ကိုယ်တွေ့သုတေသနလေးတွေကို ပြောပြလိုပါတယ်။ ဗျုပ္ပတ်ဟာ ဘယ်လောက်အားကောင်းသလဲဆိုရင် “၀ဏ္ဏ” ဆိုတဲ့ အရောင်အဆင်းကိုတောင် လွှမ်းမိုးနိုင်တာကို တွေ့ရပါတယ်။ ဥပမာ - “နေ၀င်း” ဆိုတဲ့ နာမည်မှာ “၀ဏ္ဏ” အရ အမည်းရောင် အက္ခရာတွေဖြစ်တဲ့ “န” နဲ့ “၀” နဲ့ ဖွဲ့စည်းထားတဲ့ အတွက် အသားညိုမည်းသူတွေကို ပေးရမယ့် နာမည်ဖြစ်တယ်။ ဒါပေမယ့် ဗျုပ္ပတ် သဘောအရ “နေ၀င်း” ဆိုတာ နေမင်းကြီးလိုဝင်းထိန်တောက်ပခြင်းကို ဆိုလိုတာဖြစ်တဲ့အတွက် တကယ့်လက်တွေ့ လောကထဲမှာ အသားဖြူဝင်းပြီး ဥပတိရုပ်ကောင်းတဲ့ “နေ၀င်း” တွေက ပိုမိုကောင်းစားပြီး ၊ အသားညိုညိုပြီး မခန့်ညား လှတဲ့ “နေ၀င်း” တွေကတော့ သိပ်ဟန်မကျလှတာကို တွေ့ရပါတယ်။ ဒီလိုမျိုး ဗျုပ္ပတ် နဲ့ ၀ဏ္ဏ ဆန့်ကျင်နေတဲ့အခါ တိုင်း ဗျုပ္ပတ် ကသာ အနိုင်ရ လွှမ်းမိုးတတ်တာကို လက်တွေ့သုတေသနပြုချက်များအရ သတိထားမိကြောင်း တင်ပြ လိုပါတယ်။

နာမည် နဲ့ ပက္ခတ်

နာမည်ပေးတဲ့ နေရာမှာ အလွန့်အလွန် အရေးကြီးတဲ့ အချက်တစ်ခုကို ပြောပြပါဦးမယ်။ အဲဒါကတော့ “ပက္ခတ်” မိနေတဲ့ နာမည်များအကြောင်းဘဲ ဖြစ်ပါတယ်။ “ပက္ခတ်” သို့မဟုတ် “ပက္ခ” ဆိုတာ ပဋိပက္ခဖြစ်ခြင်းကို ဆိုလိုပါတယ်။

နာမည်တစ်ခုရဲ့ ရှေ့ဆုံးနေ့နံ နဲ့ နောက်ဆုံးနေ့နံဟာ “ပက္ခတ်” မိနေတယ်ဆိုရင် သူရဲ့ ဘ၀တစ်ချိန်ချိန်မှာ-

မတော်တဆထိခိုက်ဒဏ်ရာရခြင်း၊ သွေးထွက်သံယိုဖြစ်ခြင်း၊ ခွဲစိတ်ကုသခံရခြင်း၊ ကိုယ်အင်္ဂါအစိတ်အပိုင်းတစ်ခုခု ဆုံးရှုံးခြင်း၊ အိမ်ထောင်ရေး ပြိုကွဲခြင်း၊ ထိပ်ဆုံးသို့ရောက်ပြီးခါမှ ပြန်၍ ပြုတ်ကျခြင်း၊ ဘ၀အဆုံးသတ်ကံကြမ္မာ မကောင်းခြင်း၊ ဥပစ္ဆေဒကကံဖြင့် ကွယ်လွန်ခြင်းများဖြစ်တတ်ပါတယ်။

ဥပစ္ဆေဒကကံ နဲ့ ကွယ်လွန်သွားရတဲ့သူတွေ အတော်များများရဲ့ နာမည်မှာ “ပက္ခတ်” မိနေတာကို အထင် အရှား တွေ့ရတတ်ပါတယ်။ ဒီအထဲမှာ ထင်ရှားတဲ့ ကမ္ဘာကျော် ပုဂ္ဂိုဟ်တွေရဲ့ နာမည်အချို့ကတော့ -

= ဒုတိယကမ္ဘာစစ်မီးကို မွှေးခဲ့တဲ့ ဂျာမဏီအာဏာရှင် ဟစ်တလာ (၂၀-၄-၁၈၈၉ ဖွား) ။ သူဟာ စစ်ရှုံးပြီး သူ့ကိုယ်သူ သတ်သေ သွားခဲ့ပါတယ်။
= ဟစ်တလာနဲ့ အတူ ဒုတိယကမ္ဘာစစ်ပွဲမှာ ပါဝင်ခဲ့သူ အီတလီအာဏာရှင် မွတ်ဆိုလိုနီ (၂၉-၇-၁၈၈၃ ဖွား) ။ သူကတော့ သေဒဏ် ပေးခံခဲ့ရပါတယ်။
= မြန်မာနိုင်ငံရဲ့ အာဇာနည် အမျိုးသားခေါင်းဆောင် ဗိုလ်ချုပ်အောင်ဆန်း (၁၃-၂-၁၉၁၅ ဖွား)။ သူဟာ လုပ်ကြံခံရ ပါတယ်။
= အိန္ဒိယနိုင်ငံရဲ့ လွတ်လပ်ရေးဖခင်ကြီး မဟတ္တမဂန္ဒီ (၂-၁၀-၁၈၆၉ ဖွား)။ သူလည်း လုပ်ကြံခံရပါတယ်။
= ဗြိတိသျှ ဗိုလ်ချုပ်ကြီး မောင့်ဘက်တန် (၂၅-၆-၁၉၀၀ ဖွား)။ သူလည်း လုပ်ကြံခံရပါတယ်။
= အင်္ဂလန် ဝေလမင်းသမီး လေဒီ ဒိုင်ယာနာ (၁-၇-၁၉၆၁ ဖွား) ။ ကား accident နဲ့ ကွယ်လွန်ခဲ့ရပါတယ်။
= Discovery Channel သရုပ်ဆောင် မိချောင်းမုဆိုး စတိအာဝင် (၂၂-၂-၁၉၆၂ ဖွား) ။ သူဟာ ဇာတ်ကားရိုက်နေစဉ် မတော်တဆဖြစ်ပြီး ကွယ်လွန်ခဲ့ရပါတယ်။
= မိုနာကို မင်းသမီးကြီး ဂရေ့စ်ကယ်လီ (၁၂-၁၁-၁၉၂၉ ဖွား) ။ သူဟာ ကားမှောက်ကွယ်လွန်ခဲ့ပါတယ်။
= နောက်ပြီး ၂၀၀၇ ခု၊ ဒီဇင်ဘာလ ထဲမှာ လုပ်ကြံခံရတဲ့ ပါကစ္စတန် ၀န်ကြီးချုပ်ဟောင်း ဘင်နာဇီယာဘူတို (၂၁-၆-၁၉၅၃ ဖွား) ဟာလည်း နာမည် ပက္ခတ် မိနေသူ တစ်ဦးဖြစ်ပါတယ်။

ဒါဟာ အနည်းအကျဉ်းမျှသာ ရှိပါသေးတယ်။ နာမည် နဲ့ ပက္ခတ် အကြောင်းကို ရေးမယ်ဆိုရင် သုတေသန ကျမ်းတစ်စောင် ဖြစ်လောက်တာမို့ လိုရင်းကိုဘဲ ပြောပါမယ်။ ကျွန်တော့်ရဲ့ ဗေဒင်ပညာ လေ့လာမှု သက်တမ်း တစ်လျှောက်မှာ ပက္ခတ် မိခြင်းကြောင့် ဒုက္ခအမျိုးမျိုးနဲ့ ကြုံရသူတွေ ဒုနဲ့ဒေး တွေ့ရပါတယ်။ မြန်မာနိုင်ငံထဲမှာ ပက္ခတ် မိတဲ့သူတွေ သိပ်များပါတယ်။

ဒီလို ဘာကြောင့် ပက္ခတ်မိတဲ့ နာမည်တွေကို အတွေ့ရများရတာလည်း ဆိုတော့ မြန်မာနိုင်ငံမှာ လက်ရှိ အသုံးပြုနေတဲ့ နာမည်ပေးစနစ်တွေ များများကို၌က အလွန်ပက္ခတ်မိလွယ်တဲ့ နည်းစနစ်တွေ ဖြစ်နေလို့ပါဘဲ။ ဒါကို အလွန်သတိထားရပါတယ်။

အထူးသဖြင့် အင်္ဂ၀ိဇ္ဇာနည်းစနစ်ကို အဓိကထားသုံးတဲ့ နည်းစနစ်တွေမှာ ပက္ခတ် အလွန် မိလွယ် ပါတယ်။ ဥပမာ - ပုတိဖွား ကလေးတစ်ယောက်ကို အင်္ဂ၀ိဇ္ဇာနည်းစနစ်မှာ အလွန်လူကြိုက်များ အသုံးများတဲ့ “ပဉ္စပွတ်+ဆပွတ်+အညွန့်” နည်းနဲ့ပေးမယ်ဆိုရင် သေချာပေါက် “ပက္ခတ်” မိပါတယ်။ နောက် ရာဇဖွား ကို “ မူလ+ ပဉ္စပွတ်” ပေးတာ၊ မရဏဖွားကို မူလ+အညွန့် ပေးတာတွေအားလုံးဟာ “ပက္ခတ်” မိပါတယ်။ ဒီမှည့်နည်းတွေဟာ လူသုံးအလွန်များပါတယ်။

ဒါပေမယ့် “ပက္ခတ်” မိတိုင်း အသေဆိုးနဲ့ သေတယ်လို့ချည်းလည်း မမှတ်ယူပါနဲ့။ တချို့ကြပြန်တော့လည်း အိမ်ထောင်ကွဲတာ၊ အကြီးစား ခွဲစိတ်ကုသမှုခံရတာ၊ စီးပွားပျက်တာ၊ ရာထူးကျတာလောက်တွေနဲ့ဘဲ ပြီးသွားကြတာ လည်း များပါတယ်။ ပြင်းအားဘယ်လောက်ရှိမယ်ဆိုတာ “အတိတ်ကံ” နဲ့ ပိုပြီး ဆိုင်ပါတယ်။ ဒါဆို ပက္ခတ်အကြောင်း လုံလောက်သွားပြီလို့ထင်ပါတယ်။

နာမည် နဲ့ ဘ၀ကံကြမ္မာ

“နာမည် တစ်ခုဟာ လူတစ်ယောက်ရဲ့ ဘ၀ကံကြမ္မာနဲ့ လုံးဝ ဆက်စပ်နေတယ်၊ လွှမ်းမိုးမှုရှိတယ်” ဆိုတဲ့ စကားနဲ့ ပတ်သက်ပြီး အချို့သူများမှာ အဓိပ္ပါယ်ပေါက်မှု လွဲမှားနေတာကို ဒီနေရာမှာ ထပ်မံရှင်းပြချင်ပါတယ်။

နာမည်တစ်ခုဟာ လူ့ကံကြမ္မာနဲ့ ဆက်စပ်နေတယ်၊ လွှမ်းမိုးမှု ရှိတယ် ဆိုတဲ့ စကားဟာ - လူ့ကံကြမ္မာကို လုံးဝ ပြောင်းလဲပစ်နိုင်တယ် ဆိုတဲ့ အဓိပ္ပါယ် မဟုတ်ပါဘူး။

ဗေဒင်စည်းကမ်းနဲ့ ညီညွတ်တဲ့နာမည်တစ်ခုကို ပေးခြင်းဆိုတာဟာ ဥပမာအားဖြင့် တင်စားဆိုရရင် မျိုးစေ့ တစ်စေ့ကို မြေဆီသြဇာ ပြည့်ဝထက်သန်လှတဲ့ လယ်ယာမြေကောင်းတစ်ခုကို ရွေးချယ်ပြီး အစေ့ချ စိုက်ပျိုးလိုက်တာ နဲ့ အလွန်တူပါတယ်။ အဲသည်လို နာမည်ကောင်းတစ်ခုကို အမှည့်ခံလိုက်ရတဲ့ ကလေးငယ်တစ်ဦးဟာ လယ်ယာမြေ ကောင်းမှာ ပေါက်ဖွားရှင်သန်လာရတဲ့ ကောက်ပဲသီးနှံ နဲ့ အလားတူပါမယ်။ မိမိ အစွမ်းရှိသလောက် ရှင်သန်ကြီးပွား ပြီး ကောက်နှံ ဆန်ရေစပါးများကို သီးပွင့်စေမှာ ဖြစ်ပါတယ်။

မှားယွင်းတဲ့ နာမည်ညံ့တစ်ခုကို အမှည့်ခံလိုက်ရတဲ့ သူကျပြန်တော့ မြေဆီသြဇာမရှိတဲ့ ကျပ်တီးမြေ၊ ဖုန်းဆိုး မြေများမှာ ကျရောက်သွားရတဲ့ သစ်စေ့ငယ်များနဲ့ အလားသဏ္ဍန်တူမှာ ဖြစ်ပါတယ်။ မိမိအစွမ်းရှိသလောက် ရှင်သန် ကြီးပွားမှု မရှိနိုင်တော့ဘဲ အသီးအပွင့်နည်းပါးစေပြီး ရောဂါပိုးမွှားဒဏ်ကို ပိုခံရမှာ အသေအချာပါဘဲ။

ဒါကြောင့် ဗေဒင်စည်းကမ်းနဲ့ ညီညွတ်တဲ့ နာမည်တစ်ခုပေးခြင်းဆိုတာ လူတစ်ဦးတစ်ယောက်ရဲ့ ကြီးပြင်း ရှင်သန်လာရမယ့် အခြေအနေကောင်းကို ရွေးချယ်ပေးခြင်းသာဖြစ်ပြီး သူရဲ့ အတိတ်ဘ၀ပေါင်းများစွာက ပါရှိလာတဲ့ ကံကြမ္မာကို ပြောင်းလဲပေးခြင်းမျိုး မဟုတ်ပါဘူး။ သတ္တ၀ါတို့ရဲ့ ကံကြမ္မာကို ဘုရားရှင်သော်မှ ပြောင်းလဲခြင်းငှာ မတတ်နိုင်ပါ။ မိမိစိုက်ပျိုးထားသည်ကို မိမိပင် ပြန်လည်ရိတ်သိမ်းရသလို မိမိပြုခဲ့သော ကံသည် ကောင်းသည်ဖြစ်စေ၊ ဆိုးသည်ဖြစ်စေ မိမိပင် ပြန်လည် ခံယူရမည်သာ ဖြစ်ပါတယ်။

ဘုရားရှင်ကိုယ်တော်တိုင်မှ မိမိကံကြမ္မာကို ပြောင်းလဲ နိုင်ခြင်းမရှိတာကြောင့် ၀ဋ်တော် (၁၂)ပါးကို ခံယူသွားရခြင်း မဟုတ်ပါလား။ (ဤသည်မှာ ဗုဒ္ဓဘာသာဝင်များအတွက် ဖြစ်ပေသည်။ ခရစ်ယာန်ဘာသာ နှင့် အစ္စလာမ်ဘာသာများတွင်လည်း ပြုပြင်ပြောင်းလဲ၍ မရသော သဘောတရားကို “ဘုရားသခင်၏ အလိုတော်အတိုင်း” ဟု ခံယူကြသည် မဟုတ်ပါလား)

အထက်ပါ မျိုးစေ့ ဥပမာကို ဆက်ကြည့်ကြပါစို့။ လယ်ယာမြေကောင်းမှာ ပေါက်ဖွားရှင်သန်လာရတဲ့ မျိုးစေ့ ပင်ဖြစ်လင့်ကစား စပါးမျိုးစေ့သည် စပါးမျိုးစေ့မှ စပါးနှံများသာလျှင် ထွက်လာမှာဖြစ်ပြီး ပြောင်းမျိုးစေ့သည် ပြောင်းဖူး တောင့်များသာ ထွက်လာပေလိမ့်မည်။ စပါးပင်များ ပြောင်းဖူးမထွက်နိုင်သလို ပြောင်းဖူးပင်မှလည်း စပါးနှံမထွက် နိုင်ပါချေ။ သို့သော် လယ်ယာမြေကောင်းမှာ ရှင်သန်ကြီးပြင်းလာရတဲ့အတွက် စပါးပင်မှလည်း စပါးနှံများကို အစွမ်းကို ဝေဆာသီးပွင့်မှာပါ။ ပြောင်းပင်မှလည်း ပြောင်းဖူးတောင့်များကို အစွမ်းကုန် ဝေဆာသီးပွင့်မှာပါ။

ဒါကြောင့် နာမည်ကောင်းတစ်ခုကို မှည့်ပေးခြင်းဆိုတဲ့ ကိစ္စဟာ အခြေအနေကောင်း၊ ပတ်ဝန်းကျင်ကောင်း၊ အခွင့်အရေးကောင်းများကို ဖန်တီးပြုပြင်ပေးခြင်းသာဖြစ်ပြီး လူတစ်ဦး၏ ကံကြမ္မာကို လုံးဝသွေဖည်သွားအောင် ပြောင်းလဲပေးခြင်းမျိုးတော့မဟုတ်ပါဘူး။ နာမည်ကောင်းတစ်ခု မှည့်ပေးခြင်းဆိုတာ အတိတ်ကပါလာတဲ့ ကံကြမ္မာ ကောင်းတွေကို ချောချောမွေ့မွေ့ခံစားခွင့် ရရှိဖို့နဲ့ မကောင်းတဲ့ကံကြမ္မာတွေကို လျော့နည်းနိုင်သလောက် လျော့နည်းသွားအောင် ပြုပြင်ပေးခြင်းမျှသာဖြစ်သည်ကို နားလည်ထားစေလိုပါတယ်။ နာမည်ကြောင့် လူသားတစ်ဦး ရဲ့ ဘ၀ကို လုံးဝပြောင်းလဲသွားအောင် လုပ်ပေးနိုင်တယ်ဆိုရင် လောက(၃)ပါးမှာ အတုမရှိတဲ့ ဘုရားရှက်ထက်ပင် သာလွန်သွားပြီဖြစ်ရာ ဖြစ်နိုင်မဖြစ်နိုင်ကို မိမိတို့ အသိဉာဏ်ဖြင့် ချိန်ထိုးစဉ်းစား ကြည့်ကြပါကုန်။

အဲသည်လို ပြုလုပ် ပေးနိုင်တဲ့ ဆရာသမားများ ရှိလျှင်လည်း မုသာဝါဒီများသာလျှင် ဖြစ်လိမ့်မည်။
နာမည် နဲ့ လူသားတစ်ယောက်ရဲ့ ကံကြမ္မာတို့ ဆက်သွယ်တဲ့နေရာမှာ အလွန်ထူးဆန်းတဲ့ သဘောတရား တစ်ခုကို ပြောပြပါဦးမယ်။ လူတစ်ယောက်ဟာ ဥပစ္ဆေဒကကံနဲ့ သေဆုံးရမယ့် ဇာတာမျိုးပါလာတယ် ဆိုကြပါစို့။ ထူးဆန်းတာက အဲဒီလူရဲ့ နာမည်ဟာလည်း ဥပစ္ဆေဒကကံ သင့်တတ်တဲ့ နာမည်မျိုးဖြစ်နေတာကို တွေ့ရတတ် ပါတယ်။ အိမ်ထောင်ရေးကံဇာတာ မကောင်းတဲ့ သူတစ်ယောက်ကို ကြည့်ပြန်ရင်လည်း အိမ်ထောင်ရေးအမှား တွေ့ရ တတ်တဲ့ နာမည်မျိုး ဖြစ်နေပြန်ပါရော။ အလွန်တရာ အောင်မြင်ချမ်းသာကြွယ်ဝလှတဲ့ လူတစ်ဦးရဲ့ နာမည်ဆိုရင်လည်း ဓနယုဂ်တွေ၊ ရာဇယုဂ်တွေ ရတဲ့နာမည်မျိုး ဖြစ်နေပြန်ပါတယ်။

မိဘတွေက ရွေးချယ်လိုက်တဲ့ နာမည်တစ်ခုဟာ ဒီကလေးရဲ့ ဘ၀ကံကြမ္မာ (အကောင်း/အဆိုး)နဲ့ ကြံကြံ ဖန်ဖန် သွားပြီးတိုက်ဆိုင်တာဟာ ထူးဆန်းတဲ့ အချက်တစ်ခုပါဘဲ။ ကျွန်တော်တို့ ပြောလေ့ရှိတဲ့ “နာမည်တစ်ခုဟာ လူကံကြမ္မာနဲ့ လုံးဝဆက်စပ်နေတယ်” ဆိုတာ ဒါကို ပြောချင်တာပါ။ ဒီနေရာမှာ ဖြစ်တတ်ပုံ၊ ဖြစ်ရပုံလေးတစ်ခုကို ပြောပြချင်ပါသေးတယ်။

တစ်ခါက ဇနီးမောင်နှံနှစ်ဦးမှာ သမီးဦးလေးတစ်ယောက် ဖွားမြင်လာတဲ့အခါ ချစ်မငြီးတဲ့ သမီးဦးလေးမို့ ဘ၀တစ်ခုလုံး ကောင်းစားစေမယ့် နာမည်တစ်ကို တတ်ကျွမ်းနားလည်တဲ့ ဗေဒင်ပညာရှင်တစ်ဦးထံမှာ အပ်နှံပြီး မှည့်စေပါတယ်။ ဆရာဖြစ်သူက ကလေးရဲ့ ကံဇာတာကို စစ်ဆေးကြည့်တဲ့အခါ အဲဒီ မိန်းကလေးငယ်မှာ အိမ်ထောင် (၃)ဆက်ဖြစ်ရမယ့် ကံဇာတာကို သွားတွေ့ရပါသတဲ့။ အဲဒီအခါမှာ ဆရာဖြစ်သူဟာ ဒီကံကြမ္မာကို လွဲချော်စေအောင် ဗေဒင်စည်းကမ်းနဲ့ ညီညွတ်တဲ့ နာမည်တစ်ခုကို ပေးလိုက်ပါတယ်။

ဒါပေမယ့် ဒီဆရာပေးတဲ့ နာမည်ကို မိဘတွေက လုံးဝမကြိုက်ကြဘူးတဲ့။ ဒါကြောင့် နောက်ထပ်ဆရာတစ်ဦး ဆီကို သွားကြပြန်ပါတယ်။ ဒီဆရာဖြစ်သူကလည်း ဒီကလေးမှာ အိမ်ထောင်ရေးကံ မကောင်းတာကို တွေ့တဲ့အတွက် ပထမဆရာလိုဘဲ အိမ်ထောင်ရေးကံကောင်းစေမယ့် နာမည်တစ်ခုကို ထပ်ပေးလိုက်ပြန်ပါရော။ ဒီနာမည်ကိုလည်း မိဘတွေက လုံးဝမကြိုက်ကြပြန်ပါဘူး။ ဒီတော့ နောက်တစ်ကြိမ် ဆရာတစ်ဦးထံမှာ ချည်းကပ်ကြပြန်ပါတယ်။ ဒီတစ်ခါ တော့ အဆင်ပြေသွားကြပါတယ်။ ဒီဆရာပေးတဲ့ နာမည်ကိုတော့ မိဘနှစ်ပါးစလုံးက သိပ်ကြိုက်သွားကြပါသတဲ့။ ဒါကြောင့် ဒီနာမည်ကို သမီးလေးဖြစ်သူကို ကင်ပွန်းတပ် မှည့်ခေါ်လိုက်ကြပါတယ်။
ဒါပေမယ့် မိဘနှစ်ပါးစလုံး လုံးဝမသိလိုက်တဲ့ (နောင်ကိုလည်း သိမှာမဟုတ်တဲ့) အချက်ကတော့ သူတို့ သိပ်ကြိုက်ပါတယ်ဆိုတဲ့ နာမည်ဟာ အိမ်ထောင်ရေးအမှား မုချတွေ့ရမယ့် နာမည်ဖြစ်နေပါတော့တယ်။
ဒီအဖြစ်အပျက်မျိုးဟာ လူ့လောကမှာ မကြာခဏတွေ့ရတတ်တဲ့ အဖြစ်အပျက်မျိုးပါ။ ဆရာများ သားသေ ဆိုတာလည်း ဒီလိုအဖြစ်အပျက်မျိုးဘဲ ဖြစ်ပါတယ်။ ကိုယ့်သားသမီးဖြစ်သူကို ကံကြမ္မာဆိုးနဲ့ မကြုံကြုံအောင် ဖန်တီး ပေးသူဟာ မိဘများကိုယ်တိုင် ဖြစ်နေတတ်ပါတယ်။ သတိပြုပါ။

ကိုယ့်သားသမီးကံက သိပ်နိမ့်နေရင် နာမည်အမှား ကိုမှ ကြိုတ်တတ်၊ ရွေးချယ်မိတတ်တယ်။ မကျွမ်းကျင်တဲ့ ဆရာတွေဆီကို ရောက်သွားတတ်တယ်။

နာမည် ချေးများ (ဂျီးများ) ကြသူများ

မိဘအတော်များများဟာ ကိုယ့်ကလေး နာမည်တစ်ခုရဖို့အတွက် အတော်ချေးများကြတယ်။ ဟိုဆရာမေး၊ ဒီဆရာမေး၊ ဟိုနာမည်ရွေးကြည့် - မကြိုက်လို့ပြန်ပြောင်း၊ ဒီနာမည်ရွေးကြည့် - မကြိုက်လို့ပြန်ပြောင်းနဲ့ ကလေး အသက်(၃) နှစ် (၄) နှစ် ကျော်လာတဲ့အထိ စိတ်ကြိုက်နာမည်တစ်ခု မရကြသေးတာ အတော်များများ တွေ့ရပါတယ်။

ဒါဟာ ကောင်းတဲ့ နိမိတ်လက္ခဏာတစ်ခု မဟုတ်ပါ။ ကျွန်တော်တို့ရဲ့ လက်တွေ့သုတေသနပြုချက်များအရ စီးပွားရေးလုပ်ငန်း နာမည်ပေးရာမှာ ဒီကပေးလိုက်တဲ့ နာမည်တွေထဲက တစ်ခုခုကို ချက်ခြင်းကြိုက်သွားပြီး၊ ချက်ခြင်း ရွေးချယ်ဖြစ်သွားတဲ့ လုပ်ငန်းတွေဟာ ချက်ခြင်းလိုလို အောင်မြင်လာကြတာကို ခဏခဏ သတိပြုမိပါတယ်။

လုပ်ငန်းကတော့ စဖို့ အဆင်သင့်ဖြစ်နေပြီး နာမည်မကြိုက်သေးလို့ လုပ်ငန်းမစနိုင်ဘဲ ဖြစ်နေတဲ့ လုပ်ငန်း တွေ၊ နာမည်ရွေးဖို့အတွက် အချိန်သိပ်ယူနေရတဲ့ လုပ်ငန်းတွေဟာ အလုပ်စပြန်တော့လည်း တစ်ရှိန်ထိုး တက်မလာ ဘဲ အထစ်ထစ် အငေါ့ငေါ့ ဖြစ်နေတတ်တာကို အထူးသတိထားမိပါတယ်။ (အတိတ်နိမိတ်ရဲ့ သဘောတရားပါ)

ရင်သွေးနာမည်ရွေးတဲ့ နေရာမှာလည်း ဒီလိုပါဘဲ။ နာမည်မကြိုက်လို့ ထပ်ရွေးတာဟာ တစ်ကြိမ်၊ နှစ်ကြိမ်၊ သုံးကြိမ်လောက် အထိတော့ ပြဿနာမဟုတ်ပေမယ့် ဆရာတစ်ယောက်ပြီးတစ်ယောက်ပြောင်း၊ အကြိမ်ကြိမ် ထပ်ကာထပ်ကာ ရွေးနေတာဟာ ရင်သွေးဘ၀ သာယာဖြောင့်ဖြူးမှုအတွက် အနှောင့်အယှက်ဖြစ်မယ့် နိမိတ်မျိုးဖြစ်နေ တတ်ပါတယ်။ အထက်ကပြောခဲ့တဲ့ ဥပမာလိုဘဲ နာမည်ကို ဂျီးများရင်း၊ ဂျီးများရင်းနဲ့ နောက်ဆုံးတော့ နာမည်ဆိုး၊ နာမည်ပျက်၊ နာမည်ညံ့နဲ့ ကြုံရတော့ တာပါဘဲ။ ဆရာများ သားသေဆိုတာ နာမည် ဂျီးများလွန်းသူတွေအတွက် စကားပုံပါ။

နာမည်ခြင်း တူမှာကို စိုးရိမ်ကြသူများ
တစ်ချို့ကြပြန်တော့လည်း တတ်ကျွမ်းတဲ့ ဆရာမှည့်ပေးတဲ့ နာမည်လေးတွေ ကြိုက်တော့ ကြိုက်ပါတယ်။ ဒါပေမယ့် ဘယ်သူ့သားသမီးနဲ့ တူနေလို့ ဆိုတာမျိုးက ရှိပါသေးတယ်။ နာမည် မှည့်လို့ရတဲ့ ဗျည်းက (၃၃)လုံးဘဲ ရှိပါတယ်။ ကလေးဦးရေက တစ်နှစ်ကို သန်းနဲ့ချီပြီး တိုးတက်နေတော့ နာမည်တူတာ၊ ထပ်တာဆိုတာမျိုးက ရှိနေမှာ ပါဘဲ။ မိမိကလေးနာမည်ကို ဘယ်သူနဲ့မှ မတူစေချင်ဘူးဆိုတာ မိဘများဘက်က ပြောတာ လွယ်ပေမယ့် အလုပ် ခက်လှပါတယ်။

နာမည်ကို အခြားသူတွေနဲ့ ကွဲပြားချင်လွန်း၊ ဆန်းချင်လွန်းအားကြီးရင်လည်း နာမည်အမှားဘက်ကို ရောက်သွားတတ်ပါတယ်။

အရေးကြီးတာက နာမည်တူပေမယ့် ဘ၀မတူဖို့က အဓိကပါ။ “ကျော်သူ” တို့၊ “စိုးသူ” တို့၊ “ရန်အောင်” တို့လို နာမည်မျိုးတွေ အများကြီးဘဲလေ။ ဒါပေမယ့် သူတို့ဇာတာနဲ့ သူတို့နာမည် သိပ်ကိုက်ညီသွားတဲ့အခါမှာ နာမည်ကျော်တွေဖြစ်လာတာပါဘဲ။ နာမည်ကတော့ ဘယ်သူနဲ့မှ မတူပါဘူး။ ဒါပေမယ့် ဘ၀ကတော့ သူလိုငါလိုပါဘဲ ဆိုရင်လည်း မနိပ်လှပါဘူး။ နာမည်ခြင်းတူတာထက် ဘ၀ခြင်းမတူဘဲ ထူးချွန်သာလွန်ဖို့က အဓိက ကျလှတယ် မဟုတ်ပါလားခင်ဗျာ။

ဆက်လက်ဖော်ပြပါမည်။ ကျန်းမာချမ်းသာကြပါစေကုန်သော်

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)